दुकानाचा फक्त विंडो डिस्प्ले
पाहून पुढच्या दुकानाकडे वळणारा
मध्यमवर्गीय नामशेष झालाय…
नामशेष झालाय एकशिंगी गेंड्याप्रमाणे!
शर्टाचे रंग अन् कापडाचा पोत
किमती कुतूहलाचा नसता खटाटोप
परत येतो, नंतर बघतो म्हणत
नजर चुकवून द्यायचा निरोप
आजचा मध्यमवर्गीय
थोडा आधुनिक झालाय
काळाच्या झुळूकेबरोबर
जरा पुढे सरकलाय
डिजीटल काळातल्या शॉपिंग वेबस्थळी
टाईप करा काही बाही
रंग ढंगानुसर हजार राही
चोईस लंबीचौडी
नसत्या मदतनिसाची गरज नाही
मागे मागे फिरणारी शेपूट नाही
'मदत करू का?' चा नाद नाही
अन् मालकाची तिरकी नजर नाही
मग क्लिकसरशी मांडणी करी
कमी किंमतीचे दाखवा आधी
स्वस्त आवडत नाही
अन् आवडलेले स्वस्तत नाही
मग काय शक्कल लढवा भारी
आधीची विंडो बंद करी
नजर चुकवता? गरजच नाही!
दुसरी वेब विंडो, क्लिक, खुली करी!